ХАРИЛЦАА ХОЛБООНЫ ЗОХИЦУУЛАХ ХОРООНЫ ТОГТООЛ

2023 оны 06 дугаар сарын 19-ний өдөр

Дугаар 57

Улаанбаатар хот

ШУУДАНГИЙН ИЛГЭЭМЖ ХҮРГЭХ ХУГАЦААГ ТОГТООХ ТУХАЙ

Шуудангийн тухай хуулийн 9 дүгээр зүйлийн 9.1.6 дахь заалтыг үндэслэн ТОГТООХ нь:

1.Улс хоорондын болон дотоодын шуудангийн илгээмж хүргэх хугацааг дараах байдлаар тогтоосугай. Үүнд:

1.1.Ердийн зэрэглэлийн илгээмжийг хотын дотор 2 хоног, аймаг, хотын хооронд 5 хоног, бусад газар (улс хооронд)-т 9 хоногийн дотор;

1.2.Буухиа зэрэглэлийн илгээмжийг хүргэх хугацааг үйлчлэгч хоорондын гэрээнд зааснаар тодорхойлох бөгөөд энэхүү тогтоолын 1.1 дэх хэсэгт заасан хугацаанаас бага байхаар тогтоосугай.

2.Энэхүү тогтоолыг мөрдөж ажиллахыг тусгай зөвшөөрөл эзэмшигчдэд үүрэг болгосугай.

3.Тогтоолын хэрэгжилтэд хяналт тавьж ажиллахыг тус Хорооны дарга /Г.Чинзориг/-д даалгасугай.

ДАРГА Г.ЧИНЗОРИГ

Хорооны хуралдааны НАРИЙН БИЧГИЙН ДАРГА.Т.НАРАНМАНДАХ

Энэ тогтоолын 1.1 дэх хэсэгт Харилцаа холбооны зохицуулах хорооны 2024 оны 01 дүгээр сарын 18-ны өдрийн 13 дугаар тогтоолоор өөрчлөлт оруулсан.