МОНГОЛ УЛСЫН ХУУЛЬ

2026 оны ... дугаар сарын ...-ны өдөр                     Улаанбаатар хот

ИРГЭНИЙ ХЭРЭГ ШҮҮХЭД ХЯНАН ШИЙДВЭРЛЭХ ТУХАЙ ХУУЛЬД НЭМЭЛТ, ӨӨРЧЛӨЛТ ОРУУЛАХ ТУХАЙ

.Иргэний хэрэг шүүхэд хянан шийдвэрлэх тухай хуульд доор дурдсан агуулга бүхий хэсэг, заалт нэмсүгэй:

1/20 дугаар зүйлийн 20.1.4 дэх заалт:

"20.1.4.энэ хуулийн 75¹-д заасан үндэслэл тогтоогдсон бол."

2/75¹ дүгээр зүйлийн 75¹.1.5 дахь заалт:

"75¹.1.5.үндсэн үүргийн гүйцэтгэлийг барьцааны зүйлээс хангуулах."

3/75¹ дүгээр зүйлийн 75¹.6 дахь хэсэг:

"75¹6.Нэхэмжлэлийн шаардлагаа энэ хуулийн 75¹.1-д заасан гэрээний үндэслэлээр тодорхойлсныг гэрээнээс татгалзсан, эсхүл хэлцэл хүчин төгөлдөр бус гэх үндэслэлээр эсэргүүцэн маргасан нь тус хэргийг тусгайлсан журмаар хянан шийдвэрлэхэд саад болохгүй."

4/75⁴ дүгээр зүйлийн 75⁴.5 дахь хэсэг:

"75⁴.5.Энэ хуулийн 75⁴.4-т заасан шүүхийн цахим хуудасны мэдээллийг хүний нэр төр, алдар хүндийг гутаах, дормжлох, гүтгэх болон хувь хүний эрхэмсэг оршихуйд сөрөг нөлөөлөхүйц байдлаар ашиглах, ийм зорилгоор хуваалцах, нийтэд мэдээлэхийг хориглоно."

5/75⁴ дүгээр зүйлийн 75⁴.6 дахь хэсэг:

"75⁴.6.Финтек зээлийн бүтээгдэхүүний талаарх нэхэмжлэлийн хувьд энэ хуулийн 75⁴.2, 75⁴.3-т заасны дагуу цахим шуудангийн хаягаар мэдэгдэх хуудсыг илгээснээс хойш 7 хоног өнгөрсөнболовч шүүхэд ирээгүй бол шүүхийн албан ёсны цахим хуудсаар нэхэмжлэгч, хариуцагчийн нэр, овог, нэхэмжлэлийн шаардлага болон хувийн ба үндэсний цахим шуудангийн хаягаар нь мэдэгдэх хуудсыг хүргүүлсэн тухай дурдан, шүүхэд хүрэлцэн ирж эрхээ хамгаалахаар ажиллагаанд оролцохыг зарлан мэдэгдэнэ. Ийнхүү мэдэгдсэнээс хойш 7 хоног өнгөрсөн бол мэдэгдэх хуудсыг хүлээн авсанд тооцож хэрэг хянан шийдвэрлэх ажиллагааг үргэлжлүүлэн явуулна."

.Иргэний хэрэг шүүхэд хянан шийдвэрлэх тухай хуулийн 75¹ дүгээр зүйлийн 75¹.1.2 дахь заалтын "дундын өмчийн ашиглалт" гэсний өмнө "Иргэний хуулийн 147 дугаар зүйлийн 147.1-д заасан" гэж, 75¹ дүгээр зүйлийн 75¹.1.4 дэх заалтын "бусдын эд хөрөнгө" гэсний өмнө "шинжээчийн дүгнэлтийн талаар маргаангүй бол" гэж, 117 дугаар зүйлийн 117.1 дэх хэсгийн "Энэ хуулийн" гэсний дараа "75⁷.1.1-д зааснаас бусад тохиолдолд энэ хуулийн" гэж тус тус нэмсүгэй.

.Иргэний хэрэг шүүхэд хянан шийдвэрлэх тухай хуулийн 75¹¹ дүгээр зүйлийн 75¹¹.2 дахь хэсгийг доор дурдсанаар өөрчлөн найруулсугай:

"75¹¹.2.Тусгайлсан журмаар хянан шийдвэрлэсэн шүүхийн шийдвэрийг давж заалдах шатны шүүх эцэслэн шийдвэрлэх ба хяналтын журмаар гомдол гаргахгүй."

Иргэний хэрэг шүүхэд хянан шийдвэрлэх тухай хуулийн 75¹ дүгээр зүйлийн 75¹.1 дэх хэсгийн "Нэг сарын хөдөлмөрийн хөлсний доод хэмжээг 20 дахин нэмэгдүүлснээс" гэснийг "Арван таван сая төгрөгөөс" гэж, 75⁷ дугаар зүйлийн 75⁷.1 дэх хэсгийн "хэрэг хянан шийдвэрлэх ажиллагааг үргэлжлүүлнэ:" гэснийг "энэ хуулийн 20.1.4-т заасны дагуу өөр шүүхэд шилжүүлж болно:" гэж, 75⁷ дугаар зүйлийн 75⁷.3 дахь хэсгийн "байна." гэснийг "байх боловч шилжүүлсэн хэргийг хүлээн авсан шүүх шаардлагатай гэж үзвэл товыг өөрчлөн тогтоож болно. Тов өөрчилсөн шүүгчийн захирамжид гомдол гаргахгүй." гэж, 75⁷ дугаар зүйлийн 75⁷.4 дэх хэсгийн "Хэргийг ердийн журмаар хянан шийдвэрлэхээр үргэлжлүүлсэн нь" гэснийг "Хэргийг өөр шүүхэд шилжүүлсэн нь" гэж тус тус өөрчилсүгэй.

Иргэний хэрэг шүүхэд хянан шийдвэрлэх тухай хуулийн 75⁴ дүгээр зүйлийн гарчигийн ",хэрэг хянан шийдвэрлэх ажиллагааны тэмдэглэл", 75⁷ дугаар зүйлийн 75⁷.1.1 дэх заалтын "нэхэмжлэл гаргах, эсхүл" гэснийг тус тус хассугай.

.Иргэний хэрэг шүүхэд хянан шийдвэрлэх тухай хуулийн 75¹ дүгээр зүйлийн 75¹.1.3, 75¹.2.2 дахь заалт, 75⁷ дугаар зүйлийн 75⁷.2 дахь хэсгийг тус тус хүчингүй болсонд тооцсугай.

.Энэ хуулийг 2026 оны ... дугаар сарын ...-ны өдрөөс эхлэн дагаж мөрдөнө.

Гарын үсэг